គ្រឿងផ្សំ៖ ឆ្អឹងជំនីជាប់សាច់ ឬសាច់ជាប់ខ្លាញ់ ៥០០ក្រាម កាត់ជាដុំៗល្មម, ប៉េងប៉ោះ ៨-១០ផ្លែ ចិតជាដុំៗល្មម, ស្លឹកក្រូចសើច គល់ស្លឹកគ្រៃ រំដេង និងខ្ទឹមស, អំបិល ម្ទេសហុយ អង្ករលីង មួយមុខ ២ស្លាបព្រាកាហ្វេ, ទឹកត្រី ៣ស្លាបព្រាបាយ, ទឹកអំពិលទុំ ៥ស្លាបព្រាបាយ, ទឹកក្រូចឆ្មារ ២ស្លាបព្រាបាយ, ជីររណា ហាន់តូចៗល្មម , ទឹក ១លីត្រ។
វិធីធ្វើ៖ ដាក់ឆ្នាំងដាំទឹកឲ្យពុះ រួចដាក់ស្លឹកក្រូចសើច គល់ស្លឹកគ្រៃ រំដេង ខ្ទឹមស និងអំបិលចូល ហើយដាក់សាច់ចូល រម្ងាស់ ១០នាទី។ បន្ទាប់មកដាក់ប៉េងប៉ោះចូល រម្ងាស់ ២នាទី រួចដាក់ទឹកត្រី ទឹកអំពិលទុំ ម្ទេសហុយ អង្ករលីង ទឹកក្រូចឆ្មារ កូរចូលគ្នាឲ្យសព្វ។ ឆ្អិនហើយដាក់ជីររណាចូល រួចដួសដាក់ចានជាការស្រេច៕ ចុចមើលវីដេអូពីវិធីធ្វើនៅខាងក្រោម៖
វីដេអូវិធីធ្វើ៖
សម្រួលអត្ថបទដោយ៖ ស្រីពៅ
