គ្រឿងផ្សំ៖ ចេកណាំវ៉ា ២-៣ស្និត, ម្សៅបំពង ២០០ក្រាម, សាច់ដូងកោស ២០០ក្រាម (មិនដាក៏បាន), ស្ករស ១២០ក្រាម, អំបិល ១ស្លាព្រាកាហ្វេ, ល្ង កន្លះកូនចាន, ទឹកលាយកំបោរ ២-៣ស្លាបព្រាបាយ, ស្លឹកតើយ ៥-៦សន្លឹក, ទឹកឆ្អិន ២០០-២៥០មីលីលីត្រ។
វិធីធ្វើ៖ លាយម្សៅបំពង ស្ករស អំបិល ដាក់លាយចូលគ្នាឲ្យសព្វ រួចដាក់សាច់ដូងកោសចូល ច្របល់ចូលគ្នាប្រហែល ៥នាទី ហើយដាក់ទឹកកំបោរ និងទឹកឆ្អិនចូល លាយឲ្យសព្វ រួចដាក់ល្ងចូល ច្របល់ចូលគ្នា ទុកមួយឡែក។ បន្ទាប់មកយកចេកបកសំបក រួចកាត់ជា ២-៣ចំណែក ដាក់ចូលម្សៅដែលលាយហើយ ច្របល់តិចៗចូលគ្នាឲ្យសព្វចេកល្អ ហើយយកទៅដាក់ចៀន ឲ្យក្រៀមល្មមតាមចំណូលចិត្ត ជាការស្រេច៕ ចុចមើលវីដេអូពីវិធីធ្វើនៅខាងក្រោម៖
វីដេអូវិធិធ្វើ៖
សម្រួលអត្ថបទដោយ៖ ស្រីពៅ
