គ្រឿងផ្សំ៖ សាច់មាន់ ៣០០ក្រាម (កាប់ជាដុំៗ), ខ្ទឹមបារាំង ១-២ផ្លែ ប៉េងប៉ោះ ១-២ផ្លែ ការ៉ុត ១ផ្លែ ចិតជាដុំៗល្មម ឬល្អិតៗ (តាមចំណូលចិត្ត), ខ្ទឹមចិញ្ច្រាំ ១ស្លាបព្រាបាយ,
ទឹកប៉េងប៉ោះ ៤-៥ស្លាបព្រាបាយ, ទឹកស៊ីអ៊ីវ ១ស្លាបព្រាបាយ, ទឹកប្រេងខ្យង ១-២ស្លាបព្រាបាយ, ស្ករស ១ស្លាបព្រាបាយកន្លះ, ម្រេចម៉ត់ ១ចុងស្លាបព្រាកាហ្វេ, ទឹកធម្មតា កន្លះកូនចាន, ស្លឹកខ្ទឹមហាន់។
វិធីធ្វើ៖
១.ដាំខ្ទះដាក់ប្រេងឆា ដាក់ខ្ទឹមចិញ្រ្ចាំចូល រំលីងអោយឈ្ងុយ រួចដាក់សាច់មាន់ចូលឆា ទុកអោយសាច់ឆ្អិន
២.បន្ទាប់មកដាក់បន្លែ ខ្ទឹមបារាំង ប៉េងប៉ោះ និងការ៉ុតចូល ឆាចូលគ្នា ៤-៥ត្រលប់
៣.រួចដាក់ទឹកប៉េងប៉ោះ ទឹកស៊ីអ៊ីវ ទឹកប្រេងខ្យង ស្ករស និងម្រេចម៉ត់ចូល ឆាច្របល់ចូលគ្នាអោយសព្វ ហើយដាក់ទឹកចូល ទុកអោយពុះ ឆ្អិនហើយដាក់ស្លឹកខ្ទឹមចូលជាការស្រេច៕
អត្ថបទដោយ៖ THE iCON MEDIA
