ប្រភេទរុក្ខជាតិ៖ ពោត
ព្យាបាល៖ ជំងឺបេះដូង។ ជំងឺបេះដូង គឺជាស្ថានភាពមួយដែលបេះដូងត្រូវបានរាំងស្ទះមិនអាចទទួលឈាមបានគ្រប់គ្រាន់។ ជាទូទៅរោគសញ្ញាបង្ហាញថាមានការគាំងបេះដូងមាន៖ ចុកអួលនៅក្នុងទ្រូង និងនៅជុំវិញបេះដូង ឈឺស្មាខាងឆ្វេង អមជាមួយនឹងថ្គាមពិបាកដកដង្ហើម ត្រជាក់ប្រអប់ដៃជើងដោយសារឈាមហូរខ្សោយ វិលមុខ អស់កម្លាំង គិតអ្វីមិនចេញ ឈឺជើង និងដំណើរញាក់ញ័រ។
លក្ខណៈរុក្ខជាតិ៖ ពោតជារុក្ខជាតិមួយដែលគេស្គាល់ពាសពេញសកលលោក ហើយប្រហែលជាប្រទេសណាក៏មានដាំពោតដែរ។ គេប្រើប្រាស់វាទាំងនៅខ្ចី ឬចាស់។ នៅប្រទេសខ្លះគេយកម្សៅពោតទៅធ្វើជានំបុ័ង។
-ពោតជាពពួកស្មៅដែលមានទងរឹងតែមួយហើយគ្មានមែក
-ផ្កាឈ្មោលចេញនៅចុងនៃរុក្ខជាតិនេះ
-ផ្លែពោតចេញតាមសងខាងដូចជាមែកឈើ ហើយស្រោបទៅដោយសម្បក ហើយចេញគ្រាប់ជាជួរៗនៅលើស្នូលរឹង។
វិធីធ្វើ និងប្រើប្រាស់៖ ឆុងសរសៃពោតដែលដុះជាកំប៉ោយលើផ្លែពោត។ ប្រើត្រឹម ៣០ក្រាម សម្រាប់ទឹក ១លីត្រ។ ពិសាត្រជាក់ ឬក្តៅក៏បាន នៅពេលព្រឹក ឬពេលល្ងាច។ វាមានសារជាតិបង្កើនបរិមាណទឹកនោមដែលត្រូវបញ្ចេញចោលដ៏វិសេសវិសាល ហើយត្រូវបានគេប្រើសម្រាប់សម្ពាធឈាមឡើងខ្ពស់ និងគ្រួសក្នុងតម្រងនោម។ ជាតិប្រេងទទួលបានពីពោត សម្បូរទៅដោយជាតិអាស៊ីដខ្លាញ់មិនរលាយហើយត្រូវបានគេប្រើប្រាស់សម្រាប់អ្នកជំងឺដែលរងគ្រោះដោយសារជាតិកូឡេសស្តេរ៉ូលខ្ពស់ហួសហេតុនៅក្នុងឈាម។
ការប្រើប្រាស់ធ្វើជាថ្នាំដទៃទៀត៖
– ឬស និងស្លឹកពោតត្រូវបានគេប្រើប្រាស់ចំពោះបញ្ហានោមច្រើន
-សរសៃសក់ពោតត្រូវបានគេប្រើប្រាស់ចំពោះករណីនោមឈឺ និងរាគនោមពេលគេង
-ដើមស្ងួតជាមួយនឹងសរសៃវាអាចជួយឱ្យទឹកនោមហូរស្រួល
-ការយកស្នូលពោតទៅដាំទឹកពិសាអាចជួយពង្រឹងក្រពះ
-ថ្នាំសម្រាប់ប្រើជាការស្អំធ្វើពីពោតអាចយកមកលាបលើដំបៅក្លាយ ការឈឺចាប់តាមចុងសរសៃប្រសាទ ការរមាស់ស្បែក និងហើយ
-ពោតដុត បុកកំទេចឱ្យម៉ដ្ឋធ្វើជាភេសជ្ជៈដ៏ល្អសម្រាប់សម្រួលការចង់ក្អួត និងការក្អួត៕
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ កូនផ្កាម្លិះ
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
